Fri, 03 Jul, 2020


फेयर एन्ड लभ्लीले गर्ने भयाे आफ्नो विज्ञापनमा परिवर्तन
फरकधार / असार ११, २०७७

एशियामा निकै चर्चित एफएमसिजी (फास्ट मुभिङ कन्ज्यूमर गुड्स) कम्पनी युनिलिभरले गोरेपनाको कथित रुपमा बढाउने भन्दै ल्याएको आफ्नो फेस क्रिमको मार्केटिङको तरिका बदल्ने फैसला गरेको छ । 



बिहीबार युनिलिभरले यसबारे घोषणा गरेको हो । एक विज्ञप्ति जारी गर्दै फेयर एन्ड लभ्लीले अब केही सातामा नै आफ्नो ब्रान्डको नाम पनि परिवर्तन गर्ने जनाएको छ । 

यतिमात्र होइन, अब आफ्ना विज्ञापनमा युनिलिभरले गोरोपना तथा गोराजस्ता शब्दहरुको प्रयोग पनि रोक्ने भएको छ ।

कम्पनीले अब छालाबारे आफ्ना उत्पादनहरुमा अहिले सौन्दर्यको परिभाषा परिवर्तन हुँदै गएको र आफूले पनि त्यहीअनुसार परिवर्तन हुँदै जानेबताएको छ ।

नेपालमा पनि राम्रो व्यापार गरिरहेको फेयर एन्ड लभ्ली एशियाका बंगलादेश, इन्डोनेसिया, थाइल्यान्ड, पाकिस्तान र भारतमा राम्रो व्यापार गरिरहेको हुन्छ । 

पछिल्लो दिन सामाजिक सन्जालमा फेयर एन्ड लभ्लीजस्ता ब्रान्ड परिवर्तन हुनु पर्ने माग उठ्दै आएको थियो । 


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यो सामाग्री सेयर गर्नुहोस्


यो पनि नछुटाउनुहोस्