नेपाली कांग्रेसका नेता तथा सांसद गगन थापाले धनुषाको क्वारेन्टाइनमा मृत्यु भएका राजु सदाको हत्या भएको टिप्पणी गरेका छन् । 

सामाजिक सन्जाल ट्विटरमा लेख्दै थापाले यस्तो बताएका हुन् । उनले सरकार कोभिड १९ महामारी र हाम्रा प्रयासहरु पुस्तकमा आफ्नो बखान गर्न व्यस्त भएको तर सामान्य उपचार नपाएर सदाले ज्यान गुमाउन परेको घटना दुखद भएको उल्लेख गरेका छन् । 

उनले यो घटनाबाट कोरोना व्यवस्थापनको जिम्मा लिनेहरुको नियत र हैसियत देखिएको पनि टिप्पणी गरेका छन् । 

धनुषाको क्वारेन्टाइनमा किशोर राजु सदाले सामान्य उपचार नपाएर ज्यान गुमाइ रहँदा सरकार भने'कोभिड-१९महामारी र हाम्रा प्रयासहरू'पुस्तकमा आफ्नो बखान गर्न व्यस्त छ।
यो मृत्यु होइन हत्या हो।
यो दु:खद घटनाले फेरी एकपटक कोरोना व्यवस्थापनको जिम्मा लिनेहरुको नियत र हैसियत देखाएको छ।

— Gagan Thapa (@thapagk) June 25, 2020