कर्णाली प्रदेशमा पछिल्लो २४ घण्टामा थप २६ जनामा कोरोना भाइरस संक्रमण देखिएको छ ।
सुर्खेतस्थित प्रदेश अस्पताल, पशुपन्छी रोग अन्वेषण केन्द्र र कर्णाली स्वास्थ्य विज्ञान प्रतिष्ठान जुम्लाको प्रयोगशालामा भएको परीक्षणमा बिहीबार २६ जनामा कोरोना संक्रमण पुष्टि भएको हो ।
थपिएका संक्रमितमध्ये सुर्खेतका १३, दैलेखका पाँच, सल्यानका तीन, जाजरकोट दुई, मुगु र जुम्लाका एक÷एक जना छन् । 
यस्तै कर्णालीमा कोरोना संक्रमण देखिनेमध्ये एक जना भने काठमाडौंका रहेको बताइएको छ ।
योसँगै कर्णालीमा कुल संक्रमितको संख्या १ हजार ४ सय ३३ पुगेको छ ।