भारतीय टिभी सिरियल अगले जनम मोहे बिटिया ही किजोकी अभिनेत्री रतन राजपूत केही दिनअघि मात्र अभिनेता सुशान्त सिंह राजपूतका बाबुलाई भेट्न पुगेकी थिइन् । सुशान्तले आत्महत्या गरेपछि उनले पहिलो पटक सुशान्तका बाबुलाई भेटेकी हुन् । 

भेटपछि रतनले इन्स्टाग्राममा एउटा भिडियो राखेकी छिन्, जुन अहिले निकै चर्चामा आएको छ ।

रतनले भिडियोमा सुशान्तका बाबुले आफूलाई थप हिम्मत दिएको विषय उल्लेख गरेकी छिन् । रतनले सुशान्तका बाबु अहिले निकै दुखी भएको र उनी अहिले शान्त भएको बातएकी छिन् । उनले आफूसँगको भेटमा सुशान्तका बाबुले केही नभनेको तर धेरै भनेको आफूले अनुभव गरेको पनि बताएकी छिन् ।