एजेन्सी– अमेरिकी राष्ट्रपति डोनाल्ड ट्रम्पविरुद्ध पक्राउ पुर्जी जारी भएको छ । ट्रम्विरुद्ध अमेरिकी सरकारले पक्राउ पुर्जी जारी गरेको भने होइन ।

अमेरिकासँग लामो समययता दुस्मनी रहँदै आएके इरानले उनीविरुद्ध पक्राउ पुर्जी जारी गरेको हो । इरानले ट्रम्पसहित अन्य ३५ विरुद्ध पक्राउ पुर्जी जारी गरेको छ । 

उनीहरु सबैविरुद्ध क्विड फोर्सका कमान्डर जनरल कासिम सुलेमानीको हत्या गरेको अभियोग छ । इरानले उनीहरुलाई पक्राउ गर्न इन्टरपोलसँग सहयोग समेत माग गरेको छ । 

पुर्जी जारी गरिएकामध्ये ट्रम्पको मात्रै नाम सार्वजनिक गरिएको छ । अन्यको पहिचान खुलाइएको छैन । अमेरिकाले गत जनवरीमा इराकमा ड्रोन हमला गरेर सुलेमानीको हत्या गरेको थियो ।