Thu, 09 Jul, 2020


असी करोड जनतालाई पाँच महिनालाई पुग्ने खाद्यान्न वितरण गर्ने मोदीको घोषणा, सीमा विवादबारे केही बोलेनन्
फरकधार / असार १६, २०७७

एजेन्सी– भारतीय प्रधानमन्त्री नरेन्द्र मोदीले प्रधानमन्त्री मोदीले मंगलबार राष्ट्रको नाममा सम्बोधन गर्दै ८० करोड नागरिकका लागि निशुल्क पाँच महिना पुग्ने खाद्यान्न उपलब्ध गराउने घोषणा गरेका छन् ।



यसअघि पनि भारतले कोरोना भाइरसबाट प्रभावित आफ्ना नागरिकका लागि ठूलो संख्यामा राहतको घोषणा गरेको थियो ।  

प्रधानमन्त्री मोदीले जनताको लापरवाही बढ्दै गएकाले थप संकट निम्तिने खतरा रहेको औँल्याएका छन् । साथै उनले लकडाउन सही निर्णयमा गरिएकाले भारतमा लाखौँको ज्यान जोगिएको दाबी गरे । 

मिहिनेती किसान र इमानदार करदाताका कारण सरकार निःशुल्क खाद्य सामग्री वितरण गर्न सक्षम रहेको बताउँदै मोदीले​ किसान र करदातालाई धन्यवाद दिए ।

करिब १७ मिनेटको सम्बोधनमा उनले चीन–भारत सीमा विवादबारे भने केही बोलेनन् । 


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्