काठमाडौं– प्रधानमन्त्री केपी ओलीको राजीनामाको माग गर्दै आएका नेकपाका दाहाल–नेपाल पक्षका शीर्ष नेताहरु रणनीतिमा लागेका छन् ।
ललितपुरको झम्सीखेलस्थित एक होटेलमा उनीहरुको बैठक चलिरहेको छ । बैठकमा अध्यक्ष पुष्पकमल दाहाल, वरिष्ठ नेता झलनाथ खनाल, वरिष्ठ नेता माधवकुमार नेपाल, उपाध्यक्ष वामदेव गौतम, प्रवक्ता नारायणकाजी श्रेष्ठ, सचिवालय सदस्य एवं गृहमन्त्री रामबहादुर थापालगायत सहभागी छन् ।
छलफलमा पर्यटनमन्त्री योगेश भट्टराई र उद्योगमन्त्री लेखराज भट्टबाहेक दाहाल–नेपाल पक्षका अधिकांश स्थायी समिति सदस्य सहभागी रहेको बुझिएको छ ।
अध्यक्ष दाहालले बिहीबार बिहान स्थायी कमिटीका सबै सदस्यलाई आफ्नो निवास खुमलटार बोलाएको नेकपा स्रोतले बताएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।