एजेन्सी– म्यानमारमा मुसलधारे वर्षापछि पहिरो जाँदा कम्तीमा ११६ जनाको मृत्यु भएको छ । कचिन राज्यको एक रत्न खानीमा बिहीबार बिहान पहिरो जाँदा कैयौँ मानिस पुरिएको अधिकारीहरूले बताएका छन् ।
पहिरोमा परी मृत्यु भएका ११६ वटा शव बरामद भएको र ५४ जना घाइते भएको बताइएको छ । म्यानमारको सूचना मन्त्रालयले मृतकको संख्या बढ्न सक्ने जानकारी दिएको छ ।
मुसलधारे वर्षाका कारण थपको उद्धारकार्य जटिल भएको छ । म्यानमारका रत्न खानीहरूमा यसअघि पनि कैयौँपटक पहिरो तथा अन्य घातक दुर्घटना भएका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।