काठमाडौं– राष्ट्रिय प्रजातन्त्र पार्टीका अध्यक्ष पशुपति शमशेर जबराले प्रधानमन्त्री र राष्ट्रपतिबीचको समझदारी लोकतन्त्रका लागि सुखद नरहेको बताएका छन् । 

मन्त्रििपरिषद्को सिफारिसमा राष्ट्रपति विद्यादेवी भण्डारीले संसद्को बजेट अधिवेशन अन्त्य गरेको सन्दर्भमा उनको यस्तो भनाइ आएको हो । 

शुक्रबार साँझ एक ट्विट गर्दै अध्यक्ष जबराले कार्यकारिणी र राष्ट्रपतिबीचको साँघुरो समझदारी लोकतन्त्रको निम्ति निःसन्देह सुःखद नहुने उल्लेख गरेका छन् ।

राजतन्त्रप्रति संकेत गर्दै उनले राष्ट्राध्यक्ष दलभन्दा माथि रहने निष्पक्ष संस्था हुनुपर्ने आफूहरुको दाबी सही ठहरिएको उल्लेख गरेका छन् ।
 
उनले भनेका छन्– कार्यकारिणी र राष्ट्रपतिबीचको साँघुरो समझदारी लोकतन्त्रको निम्ति निःसन्देह सुःखद छैन, दलभन्दा माथि रहने निष्पक्ष संस्था राष्ट्राध्यक्ष रहनुपर्छ भनेर बहस हुनुपर्छ भन्ने हाम्रो दाबी सही ठहरेको छ ।

कार्यकारिणी र राष्ट्रपतिबीचको साँघुरो समझदारी लोकतन्त्रको निम्ति निसन्देह सुःखद छैन। दलभन्दा माथि रहने निष्पक्ष संस्था राष्ट्राध्यक्ष रहनु पर्छ भनेर बहस हुनुपर्छ भन्ने हाम्रो दाबी सही ठहरेको छ। घटनाक्रमले निष्पक्ष संस्थाको महत्व, आवश्यक्ता र बहसको सान्दभिकता पुनः उजागर भएको छ।

— Pashupati Shumshere (@PashupatiShams) July 3, 2020