गोरखा अस्पतालको आइसोलेशनमा रहेका एक व्यक्तिको मृत्यु भएको छ । जिल्ला अस्पताल गोरखाले प्रेस विज्ञप्ति जारी गरी कोरोना संक्रमण देखिएपछि अस्पतालको आइसोलेशनमा उपचार गराइरहेका ४४ वर्षीय एक पुरुषको मृत्यु भएको पुष्टि गरेको हो ।

पालुङटार नगरपालिका ७ निवासी उनी मंगलबार मात्र कतारबाट नेपाल फर्किएका थिए । मधुमेह, उच्च रक्तचाप लगायतका दीर्घरोगी समेत रहेका उनलाई गाह्रो भएपछि शुक्रबार राति १० बजे जिल्ला अस्पतालको आइसोलेशनमा ल्याइएको थियो ।

उपचारको क्रममा शनिवार विहान ५ बजे उनको मृत्यु भएको अस्पतालले जनाएको छ ।

उनको १८ गते पिसिआर परीक्षणको लागि नमूना संकलन गरी पठाइएकोमा १९ गते पोजेटिभ रिर्पोट आएको थियो ।