गण्डकी प्रदेशमा १६ जना कोरोनाभाइरस संक्रमिण थपिएका छन् ।

प्रदेश क्षयरोग केन्द्र पोखरा, पोखरा स्वास्थ्य विज्ञान प्रतिष्ठान र भरतपुर अस्पताल चितवनमा गरिएको परीक्षणमा प्रदेशका ६ जिल्लामा आज थप १६ जनामा कोरोना संक्रमण देखिएको हो ।

कोरोना संक्रमण पुष्टि हुनेमा नवलपरासीका ७, म्याग्दीका ३, कास्की, बागलुङ, स्याङ्जा र तनहुँका २–२ जना छन् ।

संक्रमितहरु सम्बन्धित स्थानीय तहको क्वारेन्टिनमा रहेको र जिल्लाको आइसोलेसनमा ल्याउने तयारी भइरहेको प्रदेश स्वास्थ्य निर्देशनालयले जनाएको छ ।

याेसँगै गण्डकी प्रदेशमा कोरोनाबाट संक्रमित हुनेको संख्या १ हजार ७९ पुगेको छ । जसमध्ये ३ जना संक्रमितको उपचारका क्रममा मृत्यु भएको भएको छ ।

आज बिहान गोरखामा उपचाररत एक संक्रमितको मृत्यु भएसँगै गण्डकीमा कोरोनाबाट मृत्यु हुनेको संख्या ३ पुगेको हो ।

प्रदेशमा कोरोना भाइरसलाई जितेर घर फर्किनेको संख्या २९६ छ ।