अब विश्वभर कोरोनाभाइरस संक्रमितको संख्या १ करोड दस लाखभन्दा धेरै भएको छ । पछिल्लो सात महिनामा कोरोनाका कारण विश्वभर अब पाँच लाखभन्दा धेरै मानिसले ज्यान गुमाएका छन् । 

सबैभन्दा प्रभावित देशको सूचीको पहिलो नम्बरमा रहेको छ, अमेरिका । अमेरिकामा शुक्रबार मात्र ५३ हजारभन्दा धेरै संक्रमित थपिएका छन् । उता, कोरोनाका कारण सबैभन्दा प्रभाविद देशको सूचीको दोस्रो नम्बरमा रहेको ब्राजिलमा ४२ हजार जना नयाँ संक्रमित शुक्रबार थपिएका छन् । योसँगै ब्राजिलमा कोरोना संक्रमितको संख्या १५ लाखभन्दा बढी भएको छ । 

पछिल्लो २४ घन्टामा ब्राजिलमा कोरोनाका कारण १२९० जनाको निधन भएको छ । योसँगै त्यहाँ कोरोनाका कारण निधन हुनेको संख्या ६३ हजार १ सय ७४ पुगेको छ ।