नेपाल कम्युनिस्ट पार्टी (नेकपा)भित्रको विवाद अहिले उत्कर्षमा छ । विवाद मिलाउन अनेक प्रयास जारी छ । चिनियाँ राजदूत होउ यान्छी विवाद मिलाउन सक्रिय छिन् ।

उनले नेकपाका शीर्ष नेताहरुसँगको भेट जारी राखेकी छिन् । यसैबीच, यान्छीले आज विहान नेकपाका वरिष्ठ नेता झलनाथ खनालसँग भेटवार्ता गरेकी छिन् ।

भेटका लागि उनी खनाल निवास डल्लुमा ९ बजे पुगेकी थिइन् ।  उनीहरुबीच ४५ मिनेट कुराकानी भएको खनालनिकट स्रोतले जनाएको छ । खनाल र यान्छीबीच नेकपाको पछिल्लो विवादबारे कुराकानी भएको बताइएको छ ।

यसअघि यान्छीले नेकपा वरिष्ठ नेता माधवकुमार नेपालसँग कोटेश्वर पुगेर भेटेकी थिइन् । उनले नेकपा एकतामा जोड दिएको बुझिएको छ ।

त्यस्तै, यान्छीले प्रधानमन्त्री केपी शर्मा ओलीलाई गत हप्ता भेटिसकेकी छिन् । उनको भेटलाई अर्थपूर्ण मानिएको छ ।