नेपाली कांग्रेसका सभापति शेरबहादुर देउवा र जनता समाजवादी पार्टी (जसपा)का नेताहरुबीच आज बिहान भेटवार्ता भएको छ । देउवालाई भेट्न जसपाका अध्यक्ष महन्थ ठाकुर, उपेन्द्र यादव, डा. बाबुराम भट्टराई, राजेन्द्र महतोलगायत नेता बुढानीलकण्ठमा पुगेका थिए ।
भेटमा उनीहरुबीच सरकारले हतारमा संसद अधिवेशन अन्त्य गरेको विषयमा समीक्षा भएको जसपाका नेता मनीष सुमनले बताए ।
‘जनताको आवाज राख्ने त्यही एउटा ठाउँ (व्यवस्थापिका-संसद) थियो, सरकारले संसदको अधिवेशन अन्त्य गरेर मुखमा ताला लगाउने काम गरेको छ’, नेताहरुको भनाइ उदृत गर्दै नेता सुमनले भने, ‘संसद अधिवेशन अन्त्य गरेकोमा असन्तुष्टि व्यक्त गरेका छौं ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
