सुर्खेत– कर्णाली प्रदेशमा पछिल्लो २४ घण्टामा १४ जना कोरोना भाइरस संक्रमित थपिएका छन् । थपिएका संक्रमितमध्ये सुर्खेका १२ जना र सल्यानका दुईजना रहेका छन् ।

सुर्खेतस्थित प्रदेश अस्पताल, पशुपन्छी रोग अन्वेषण प्रयोगशाला, कर्णाली स्वास्थ्य विज्ञान प्रतिष्ठान जुम्ला र दैलेख अस्पतालको प्रयोगशालामा गरिएको परीक्षणमा उनीहरुमा कोरोना पुष्टि भएको हो । यससँगै कर्णाली प्रदेशमा कोरोना संक्रमितको संख्या १५३० पुगेको छ ।

कर्णालीमा मंगलबार थप २८ जना कोरोना संक्रमित डिस्चार्ज भएका छन् । यससँगै प्रदेशमा डिस्चार्ज हुनेको संख्या १२७५ पुगेको छ ।

कर्णालीमा अहिलेसम्ममा ६ जना कोरोना संक्रमितको मृत्यु भएको छ । हाल २४९ जना आइसोलेसनमा रहेका छन् ।