काठमाडौं– सरिता गिरीमाथि समाजवादी पार्टीले गरेको कारबाही फिर्ता गर्न मानव अधिकार आयोगकी एक सदस्यले माग गरेकी छिन् । राष्ट्रिय मानव अधिकार आयोगकी सदस्य मोहना अन्सारीले ट्विटमार्फत यस्तो माग गरेकी हुन् ।
संसदीय दलको ह्विप उल्लंघन गरेको भन्दै गरिएको कारबाही खेदजनक रहेको भन्दै अन्सारीले गिरीलाई सांसदबाट हटाउने निर्णय फिर्ता लिन माग गरेकी छन् ।
अन्सारीले ट्विटरमा लेखेकी छन्, ‘मा. सरिता गिरीलाई समाजवादी पार्टीले कथित छानविन प्रतिवेदनको आधारमा कारवाही गरी निष्कासन र सांसदबाट निलम्बन हुने विषय खेदजनक छ, संसदमा आफ्नो धारणा स्वतन्त्र ढंगले राखेकै आधारमा कारबाही गर्नु अभिव्यक्ति स्वतन्त्रता र लोकतान्त्रिक मान्यता विपरीत रहेकाले निर्णय फिर्ता लिन अनुरोध गर्दछु ।’
मा.सरीता गिरीलाई समाजवादीपार्टिले कथित छानवीन प्रतिवेदनको आधारमा कारवाही गरी निसकाशन र साँसदवाट निलम्वनहुने बिषय खेदजनक छ।सँसदमा आफनो धारणा स्वतन्त्र ढंगले राखेकै आधारमा कारवाही गर्ने कुरा अभिव्यक्ति स्वतन्त्रता र लोकतान्त्रिक मान्यता विपरित रहेकोले निर्णय र्फितालिन अनुरोध गर्दछु
— Mohna Ansari موھنا انصاري (@MohnaAnsari) July 7, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।