निरन्तर उकालो लागेको सुनको भाउ बुधबार प्रतितोला ९१ हजार ५ सय रुपैयाँ  पुगेको छ । अघिल्लो दिनको तुलनामा सुनको भाउ तोलामा ६ सय रुपैयाँ बढेको नेपाल सुनचाँदी व्यवसायी महासंघले जानकारी दिएको छ ।

मंगलबार पनि तोलामा ७ सय रुपैयाँ बढेर तोलाको ९० हजार ९ सय पुगेको थियोे । अन्तर्राष्ट्रिय बजारमा सुनको मूल वृद्धि भएको  प्रभाव नेपाली बजारमा परेको  महासंघले जनाएको छ । 

अन्तर्राष्ट्रिय बजारमा बुधबार सुनको भाउ ९ डलरले बढेर १७ सय ९५ डलर पुगेको छ । असार १७ गते सुनको भाउ हालसम्मकै उच्च बिन्दुमा पुगेर ९१ हजार ७ सय रुपैयाँमा कारोबार भएको थियो । 

चाँदीको भाउ पनि आज तोलामा ५ रुपैयाँ बढेर कारोबार भइरहेको छ । बुधबार चाँदी प्रतितोला ९ सय ५५ रुपैयाँमा कारोबार भएको महासंघले  बताएको छ ।