नेपाली कांग्रेस युवा नेता गगन थापा व्यस्तताबीच परिवारका सदस्यलाई समय दिनेमा पर्छन् ।
फुर्सदको समयमा उनी परिवारसहित कहिले फिल्म हेर्न जाने गर्छन् त कहिले घुम्न र रमाइलो गर्न ।
कोरोभाइरस संक्रमणपछिको लकडाउका कारण गगनले अहिले परिवारका सदस्यहरुलाई घरबाहिर लान पाएका छैनन् । यद्यपि, उनी उनीहरुसँग घरमै बिताएका क्षण भने सामाजिक सञ्जालमा पोस्ट गर्ने गर्छन् ।
यसैबीच, बुधबार राति गगनले एउटा तस्बिर फेसबुकमा राखेका छन् । त्यसलाई धेरैले मनपराएका छन् ।
त्यो तस्बिर हो, पिता महेन्द्र थापाको ।
पिता महेन्द्रको जन्मदिनको अवसरमा गगनले त्यो तस्बिर शेयर गरेका हुन् । बुवासँगको तस्बिर उनले शेयर गरेका हुन् ।
गगनले जन्मदिनको शुभकामना दिँदै नबिराउनु नडराउनुको मन्त्र कहिलै नछोड्नु भन्ने मन्त्र आफूले बुवाबाट सिकेको बताएका छन् ।
‘नबिराउनु ,नडराउनु भन्ने मन्त्र कहिल्यै नछोड्नु । ठानेको काम पूरा गर्दा एक्लै होला तर बिच बाटोमा यात्रा कहिल्यै नछोड्नु !’, उनले भनेका छन्, ‘यसरी मलाई सधैँ हौस्याउने मेरो बुबालाई जन्मदिनको अनेक शुभकामना !’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
