काठमाडौं– मनसुनका कारण उत्पन्न हुने विपदको व्यवस्थापनमा नयाँ रणनीति अपनाई काम गर्न गृहमन्त्री रामबहादुर थापाले निर्देशन दिएका छन् ।

मन्त्री थापाले अहिलेसम्म अपनाइएको सतर्कताले नपुग्ने भन्दै नयाँ रणनीतिका साथ अगाडि बढ्न निर्देशन दिए । राष्ट्रिय विपद् जोखिम न्यूनीकरण तथा व्यवस्थापन प्राधिकरणको बैठकमा बोल्दै गृहमन्त्री थापाले उक्त निर्देशन दिएका हुन् । 

संकटलाई समाधान गर्न केन्द्र सरकारको कार्यसमितिलगायत सरोकारवाला संघ–संस्थालाई उच्च सतर्कतामा राख्न समेत उनले निर्देशन दिए । घटना घटनासाथ उच्च सतर्कता अपनाई तुरुन्तै परिचालित हुने गरी काम गर्न समेत उनले निर्देशन दिएका छन् ।

मनसुनले यस वर्ष बाढी पहिरोको जोखिम बढाएको भन्दै संकटको सम्भावनाको आकलन गरिएको सन्दर्भमा मन्त्री थापाले उक्त कुरा बताएका हुन् ।