काठमाडौं– भारतीय न्युज च्यानल जी न्युजका प्रधान सम्पादक सुधीर चौधरीले नेपालबारे दिएको अभिव्यक्ति विवादमा आएपछि माफी मागेका छन् ।
नेपालमा भारतीय न्युज च्यानल बन्द भएपछि उनले नेपाल भारतीय मिडियासँग डराएर प्रसारण बन्द गरेको आरोप लगाएका थिए । बिहीबार उनले भारत सरकारले सेना प्रयोग नगरी मिडियाकै माध्यमबाट नेपाललाई गलाउन सफल भएको आशयको ट्विट गरेका थिए ।
शुक्रबार चौधरीले सो ट्विट डिलिट गर्दै माफी मागेका छन् । आफूले आबेशमा आएर त्यस्तो ट्विट गरेकमा उनले दुःख व्यक्त गरेका छन् ।
उनले लेखेका छन्, ‘मेरो ट्विटका कारण नेपालस्थित हाम्रा दर्शकलाई चोट पुग्यो । भारतमा पनि धेरैले मलाई भन्नुभयो कि– यो ठीक भएन । सयद हुन सक्छ, मैले आवेशमा आएर अनावश्यक प्रतिक्रिया दिएँ । यो अभिव्यक्तिको मञ्च हो, न कि कसैलाई चोट पुर्याउने । त्यसकारण दुःख प्रकट गर्दै उक्त ट्विटलाई हटाउँदै छु ।
यस्तो छ सुधीर चौधरीको ट्विट
मेरे इस ट्वीट से नेपाल के हमारे दर्शक आहत हुए हैं।यहाँ भारत में भी बहुत से लोगों ने मुझे लिखा कि ये विचार सही नहीं है।सम्भव है कि मैंने ये खबर आने के बाद आवेश में अनावश्यक प्रतिक्रिया कर दी हो।ये मंच अभिव्यक्ति का है,आहत करने का नहीं।इसलिए खेद जताते हुए इस ट्वीट को हटा रहा हूँ।🙏 https://t.co/mqTL652uOe
— Sudhir Chaudhary (@sudhirchaudhary) July 10, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।