आइएमई लाइफ इन्स्योरेन्स कम्पनीले आइपिओ विक्री गर्नका लागि नेपाल धितोपत्र बोर्डमा आवेदन दिएको छ । कम्पनीले रू. ६० करोड बराबरको ६० लाख कित्ता आइपिओ विक्री गर्न गत असार २२ गते बोर्डमा निवेदन दिएको हो । आइपिओको विक्री प्रबन्धकमा सिभिल क्यापिटल मार्केट लिमिटेड रहेको छ । 

कम्पनीको आइपिओलाई केयर रेटिङ नेपालले आधारभूत पक्ष औसतभन्दा तल रहेको संकेत गर्ने ग्रेड ४ रेटिङ प्रदान गरेको छ । हाल रू. १ अर्ब ४० करोड चुक्तापूँजी रहेको उक्त कम्पनीले रू. २ अर्ब चुक्तापूँजी कायम गर्न आइपिओ विक्री गर्न लागेको हो । 

चालू आर्थिक वर्षको तेस्रो त्रैमाससम्ममा कम्पनीले रू. ९ करोड ८१ लाख नाफा कमाएको छ । नयाँ जीवन बीमा कम्पनीको रुपमा उक्त कम्पनीले बीमा समितिबाट विसं २०७४ साल असार २० गते इजाजत प्राप्त गरि २०७४ साल भदौ १ गतेदेखि कारोबार शुरु गरेको हो ।