काठमाडौं– लोकसेवा आयोगले राजपत्रांकित प्रथम श्रेणी (सहसचिव)को नतिजा प्रकाशन गरेको छ ।  

लकडाउन सुरु हुनुअघि नै लिखित परीक्षामा पास भएका आवेदकको अन्तर्वार्ता र मामिला प्रस्तुतीकरण रोकिएको थियो । लोकसेवाले असार १५ देखि १७ सम्म मामिला प्रस्तुतीकरण तथा १८ देखि २६ गतेसम्म अन्तर्वार्ता सञ्चालन गरेर शुक्रबार नतिजा निकालेको हो ।   

प्रकाशित नतिजाअनुसार खुलातर्फ रामबन्धु सुवेदी, नमराज घिमिरे, रमेश ढकाल, आनन्द काफ्ले र विपिन आचार्य  छनोट भएका छन् । मधेसीमा इन्द्रदेव यादव र रामकुमार महतो छनोट भएका छन् । 

त्यस्तै महिलामा अनिता निरौला र स्किम श्रेष्ठले नाम निकालेका छन् भने आदिवासी जनजातिमा हेमराज तामाङ सहसचिव बन्न सफल भएका छन् ।