झापाको अर्जुनधारा नगरपालिकाले सलह कीरा खरिदका लागि पाँच लाख रूपैयाँ बजेट विनियोजन गरेको छ । 

सलहबाट कृषि क्षेत्रमा हुने क्षति न्यूनीकरणका लागि नगरले बजेट विनियोजन गरेको नगरप्रमुख हरिकुमार रानाले जानकारी दिए । 

‘सलह कीरा नियन्त्रण र यसबाट कृषि क्षेत्रमा हुने सम्भावित जोखिम न्यूनीकरणका लागि बजेट छुट्याएका हौँ,’ उनले भने । नगरले सलह समातेर ल्याउनेलाई प्रतिकेजी १ सय  रुपैयाँ दिने योजना बनाएको उनले जानकारी दिए । 

खरिद गरिएको सलह कीरा नगरको कृषि शाखाले प्रतिकेजी ५० रुपैयाँका दरले पशु आहारका लागि दाना उद्योगलाई दिने निर्णय गरेको उनले बताए ।