बलिउड अभिनेता अमिताभ बच्चनलाई कोरोनाभाइरस संक्रमण पुष्टि भएको छ । कोरोनाभाइरस संक्रमण पुष्टि भएसँगै उनलाई अस्पताल भर्ना गरिएकोछ । 

उनले सामाजिक सन्जालमार्फत् दिएको जानकारीअनुसार उनलाई मुम्बईको नानावटी अस्पतालमा भर्ना गरिएको हो । 

शनिबार अबेर राति ट्विटरमा उनले लेखेका छन्, ‘मलाई कोरोनाभाइरस परीक्षणमा पोजेटिभ देखिएको छ । अस्पतालमा भर्ना भएको छु ।’ उनले आफू कोरोनाभाइरस संक्रमति पाएसँगै परिवारका अन्य सदस्यको कोरोना परीक्षण गरिएको जानकारी पनि दिएका छन् ।

अनि उनले आफूसँग पछिल्लो १० दिनमा सम्पर्कमा आएका व्यक्तिहरुलाई पनि कोरोना संक्रमण परीक्षण गर्न अनुरोध गरेका छन् ।

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020