स्पेनिस ला–लिगा फुटबलअन्तर्गत गएराति भएको खेलमा बार्सिलोनाले रियल भालाडोलिडमाथि १–० को कठिन जित दर्ता गर्दै उपाधि होडलाई कायम राखेको छ ।

भालाडोलिडको घरेलु मैदानमा भएको खेलमा पाहुना टोलीलाई जित दिलाउन १५ औं मिनेटमा अर्टुरो भिडालले गरेको एक मात्र गोल पर्याप्त बनेको थियो । उनले कप्तान लियोनल मेसीको पासलाई सदुपयोग गरेका थिए ।

जितँंगै बार्सिलोनाले एक खेल कम खेलेको पहिलो स्थानको रियल म्याड्रिडसँगको अंक दूरी घटाएर १ मा ल्याएको छ ।

बार्सिलोनाको ३६ खेलबाट ७९ अंक हुँदा रियलको ८० अंक छ । पराजित भालाडोलिड ३६ खेलबाट मात्र ३९ अंक जोड्दै लिगको १४ औं स्थानमा छ ।

गएराति नै भएका अन्य खेलमा ओसासुनाले सेल्टा भिगोमाथि २–१ को जित हात पार्दा एथ्लेटिको म्याड्रिडले रियल बेटिसलाई १–० ले पराजित ग¥यो ।