भारतको उत्तर प्रदेशमा योगी आदित्यनाथ मुख्यमन्त्री भएपछि प्रहरीसँगका मुठभेड निकै बढेका छन् । त्यहाँ यो समयमा १ सय २२ जनाको इन्काउन्टरमा नै ज्यान गएको छ । अनि यी घटनामा १३ जना प्रहरीले पनि ज्यान गुमाएका छन् । 

प्रहरीमा दर्ता भएको तथ्यांकअनुसार २० मार्च २०१७ देखि १० जुलाई २०२० सम्म प्रहरी र अपराधीहरुबीच ६ हजार १ सय २६ पटक मुठभेड भएको छ । त्यसमा १ सय २२ अभियुक्त मारिएका छन् । अनि २२९३ अभियुक्त घाइते भएका छन् । 

यस्ता घटनाबाट प्रहरीले १३ हजार ३ सयभन्दा धेरै अभियुक्तलाई पक्राउ गरेको छ । यो समयमा नै उत्तर प्रदेशमा मात्र १३ प्रहरी मारिएका छन् ।