इरानी राष्ट्रपति हसन रुहानीले देशमा कोरोनाभाइरस संक्रमितको संख्या पछिल्लो समय निकै बढ्दै गएको बताएका छन् । तर, पनि देशको अर्थतन्त्रमा ठूलो क्षति पुग्ने भएकाले अब कोरोना रोक्नकै लागि लकडाउन लगाउने विषयमा पनि आफूले नसोचेको बताएका छन् । 

अधिकारीहरुका अनुसार इरानमा पछिल्लो २४ घन्टामा १८८ जनाको कोरोना संक्रमणका कारण निधन भएको छ । यही समयमा इरानमा २ हजार ३ सय ९७ जना नयाँ कोरोनाभाइरस संक्रमित थपिएका छन् ।

कोरोना महामारी सुरु हुनुभन्दा पहिले नै इरानले विभिन्न प्रतिबन्धको सामाना गरिरहेको थियो । कोरोना संक्रमण रोक्न इरानमा लगाइएको लकडाउन अप्रिलमा हटाइएको थियो ।