काठमाडौं– रुसको एक कम्पनीले आफूले कोरोना भाइरसविरुद्धको भ्याक्सिन तयार गरेको दाबी गरेको छ । गमलेई इन्स्टिट्युट अफ एमिडेमियोलोली एण्ड माइक्रोबायोलोजी नामको कम्पनीले भ्याक्सिनको ह्युमन क्लिनिकल ट्रायल सफल भएको जनाएको छ ।
सो कम्पनीले अगस्टसम्ममा भ्याक्सिन संक्रमितहरुमा पुग्ने बताएको छ । सेचेनोभ मेडिकल युनिभर्सिटीले यो भ्याक्सीनको ट्रायल गरेको थियो । ह्युमन ट्रायलमा यो भ्याक्सिन मानिसका लागि सुरक्षित रहेको पाइएको कम्पनीको दाबी छ ।
विश्वमै पहिलो कोरोना भाइरसविरुद्धको भ्याक्सिन बताइएको यो भ्याक्सिन १८ जुनमा पहिलो चरणमा १८ जनामा ट्रायल गरिएको थियो । त्यसपछि २३ जुनमा भ्याक्सिन टेस्टको दोस्रो चरण सुरु भएको थियो ।
२० जना मानिसमा गरिएको ट्रायलमा सबै स्टेजमा भ्याक्सिनको ट्रायल सफल भएको जनाइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
