काठमाडौं– प्रधानमन्त्री केपी ओलीको अत्यन्त विश्वासपत्रका रुपमा मानिएका पूर्वमन्त्री तथा सांसद गोकुलप्रसाद बाँस्कोटाले प्रधानमन्त्री केपी शर्मा ओलीलाई हठात हटाउने धम्की नदिन अर्का अध्यक्ष पुष्पकमल दाहाल र वरिष्ठ नेता माधव कुमार नेपाल पक्षलाई चेतावनी दिएका छन् । 

पूर्वमन्त्री बाँस्कोटाले सामाजिक सञ्जालमार्फत यस्तो चेतावनी दिएका हुन् । दाहाल–नेपाल समूहले ओलीको राजीनामा मागेकोप्रति इंगित गर्दै उनले ओलीलाई हटाउने धम्की दिनुभन्दा मिल्नु र मिलाउनुमै नेकपा र देशको हितमा हुने उल्लेख गरेका छन् । 

यद्यपि, उनले दाहाल र नेपालको नाम उल्लेख गरेका छैनन् । उनले महिनैपिच्छेको वार्ताको फण्डाविनाको सुदृढ एकता कायम गर्नु राम्रो हुने उल्लेख गरेका छन् । 

सामाजिक सञ्जालमा बाँस्कोटाले लेखेका छन्, ‘धोवीले कुरा काट्यो, मैले सीता (श्रीमती) छााडिदिएँ भनेर रामले भनेजस्तो होइन, केपी ओलीले दुवै पद छोडने कुरा । हठात हटाउने कुराको धम्की दिइरहनु भन्दा मिल्नु र मिलाउनमै नेकपा र देशको सुदूरसम्मको हितमा होला । महिनैपिच्छेको वार्ताको फण्डाबिनाको सुदृढ एकता कायम गरेको राम्रो ।’

धाेवीले कुरा काट्याे,मैले सीता (श्रीमती)छाेडिदिएँ भनेर रामले भनेजस्ताे हाेईन,केपी ओलीले दुबै पद छाेडने कुरा।हठात हटाउने कुराकाे धम्की दिइरहनु भन्दा मिल्नु र मिलाउनमै नेकपा र देशकाे सुदुरसम्मकाे हितमा हाेला।महिनैपिच्छेकाे वार्ताकाे फण्डाबिनाकाे सुदृढ एकता कायम गरेकाे राम्राे।

— Gokul Prasad Baskota (@GokulPBaskota) July 15, 2020