काठमाडौं– पहिरोका कारण बन्द भएको नारायणगढ–मुग्लिन सडकखण्ड एकतर्फी खुलेको छ । चितवनस्थित कालिखोलामा पहिरो जाँदा अबरुद्ध भएको सो सडक  
हलुका गाडीका लागि एकतर्फी खुलेको हो । 

जिल्ला प्रशासन कार्यालय चितवनका अनुसार लगभग एकतिहाइ पहिरो मात्र सफा भएका कारण दोहोरो गाडी चल्न अझै समय लाग्नेछ ।

नारायणगढ–मुग्लिन सडक खुले पनि मुग्लिनभन्दा यता पृथ्वीराजमार्गको विभिन्न ठाउँमा अझै अवरोध कायम छ । पृथ्वीराजमार्गको चितवनतर्फ कुरिनटार र फिस्लिङमा पहिरो गएका कारण काठमाडौं आउने बाटो अवरुद्ध छ ।