नेपाली बजारमा सुनको मूल्य हालसम्मकै उच्च भएको छ । बिहीबारको भन्दा शुक्रबार एकै दिन प्रतितोला सुनको मूल्य १ हजार ३ सयले बढेको हो ।

नेपाल सुनचाँदी व्यवसायी महासंघका अनुसार छापावाल सुनको मूल्य शुक्रबार ९५ हजार ८ सयमा कारोबार भएको छ । त्यस्तै, तेजाबी सुनको मूल्य ९५ हजार ३ सय ६५ रुपैयाँ प्रतितोलामा कारोबार भएको छ । 

त्यस्तै, शुक्रबार चाँदीको मूल्य भने प्रतितोला रू। ५ ले बढेर रू।१ हजार १५० मा कारोबार भइरहेको छ । विश्व व्यापी रुपमा कोरोना महामारीको त्रासले सुनमा लगानी गर्दा लगानी सुरक्षित हुने भएकाले लगानीकर्ताहरु आकर्षित हुँदा सुनको मूल्य बढ्दै गएको सुन व्यवसायीहरुको भनाइ छ ।