नेपाली कांग्रेसको अनुशासन समितिले गोविन्दराज जोशीलगायत तीन नेतालाई पार्टीबाट कारवाही गर्दै निष्कासन गरेको छ ।
कांग्रेसको अनुशासन समितिले विभिन्न समयमा पार्टीविरुद्ध काम गरेको भन्दै गोविन्दराज जोशी, पुस्करनाथ ओझा र रामबहादुर विष्टलाई कारवाही गरेको हो ।
निर्वाचनमा वरिष्ठ नेता रामचन्द्र पौडेलविरुद्ध तनहुँमा बागी उम्मेदवारी दिएका पूर्वमन्त्री जोशीलाई कांग्रेसले पाँच वर्षका लागि पार्टीबाट निस्कासन गरेको बताएको छ । त्यस्तै, पूर्वमन्त्री एवं कैलालीका महासमिति सदस्य ओझालाई पनि ५ वर्षकै लागि पार्टीबाट निस्किासन गरिएको छ । उनीमाथि कैलालीमा कांग्रेस सभापति शेरबहादुर देउवा पत्नी आरजु देउवालाई चुनाव हराउन भूमिका खेलेको आरोप छ ।
यस्तै डडेलधुरा कांग्रेसका कार्यालय सचिव विष्टलाई तीन वर्षका लागि निस्काशन गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।