नेपाल कम्युनिस्ट पार्टीका अध्यक्ष केपी शर्मा ओलीले एकल निर्णयबाट स्थगित गरेको नेकपा सचिवालय बैठक बालुवाटारमा सुरु भएको छ । बैठकको अध्यक्षता नेकपाका अर्का अध्यक्ष पुष्पकमल दाहाल प्रचण्डले गरेका छन् ।
प्रचण्डले बैठक सुरु गर्नुअघि एकपटक ओलीसँग पनि भेटघाट गरेका छन् ।
ओलीले पार्टी र सरकार मनोमानी ढंगले चलाएको भन्दै विरोधमा उत्रिएका प्रचण्ड–नेपाल समूहले निकै दबाबमा पारेपछि अोलीले यसअघि उनीहरुसँग सल्लाह नै नगरी बैठक स्थगित गरेका थिए ।
तर, प्रचण्डलाई माधवकुमार नेपाल, झलनाथ खनालले साथ दिएपछि बैठक अगाडि बढेको छ ।
यो बैठकअघि खनाल र प्रचण्डले ओलीलाई भेट गरेको बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
