पोखरा– गण्डकी प्रदेशको स्वास्थ्य निर्देशनालयले मंगलबार दिएको अपडेटअनुसार गण्डकी प्रदेशमा थप ३१ जनामा कोरोना पुष्टि भएको छ ।

नयाँ संक्रमितहरु स्याङ्जाका २५ जना र बाग्लुङका ६ जना रहेका छन् । दुई जिल्लाका गरी थप ३१ जनामा कोरोना पोजेटिभ देखिएको हो । 

योसँगै गण्डकी प्रदेशमा कुल संक्रमितको संख्या १ हजार ४ सय ३० पुगेको छ ।

नयाँ संक्रमित सबैलाई सम्बन्धित जिल्लाको आइसोलेसनमा लैजाने तयारी भएको स्वास्थ्य निर्देशनालयले जानकारी दिएको छ ।