दाङमा पहिरोले घर पुरिँदा दुई जनाको मृत्यु भएको छ । लगातारको वर्षाका कारण बुधबार विहान घरमाथिबाट आएको पहिरोले पुरिँदा दाङको बङ्गलाचुली गाउँपालिकामा २६ वर्षीया बाटुली नेपाली र उनकी दुई वर्षीया छोरी आयुश्माको निधन भएको हो ।

जिल्ला प्रहरी कार्यालय दाङका अनुसार गए राति ३ बजेतिर घरमाथिबाट एउटा कान्ला खस्दा उनीहरुको घर नै पुरेको थियो । 

पहिरोले आधा घर पुरेको थियो । घरमा अन्य सदस्य भने घरको नपुरिएको भागमा भएकाले सकुशल भएको प्रहरीले जनाएको छ ।