बलिउड अभिनेता सुशान्त सिंह राजपुतको निधन भएको केही समय भइसकेको छ । तर, उनको आत्महत्याको विषय अहिले पनि भारतीय सन्चारमाध्यममा आइरहेको छ । 

यहीबीच उनकी पूर्वप्रेमिका भनिएकी अंकिता लोखन्डेले पनि यस विषयमा अब खुलेर कुरा गर्न थालेकी छन् । उनले आफ्ना पछिल्ला अन्तर्वार्ताहरुमा सुशान्तलाई कुनै डिप्रेसन नभएको बताउन थालेकी छिन् ।

अंकतिाले पछिल्लो समय एक अन्तर्वार्तामा चाहिँ सुशान्तलाई आत्महत्याबाट भाग्न खोज्ने मानिस भनेकी छिन् । ‘यो निकै अगाडिको कुरा हो, हामी कसैको आत्महत्याबारे कुरा गरिरहेका थियौँ । सुशान्तले चाहिँ आत्महत्याको सोच आएमा आफूहरुले त्यसलाई तत्काल परिवर्तन गरिदिने बताएका थिए,’ उनले भनेकी छिन् ।