छिमेकी मुलुक भारतमा कोरोनाभाइरस संक्रमितको संख्या दिनहुँ बढिरहेको छ । यहीबीच भारतमा पछिल्लो २४ घन्टामा अहिलेसम्मकै एकै दिनमा थपिएका कोरोनाभाइरस संक्रमितको संख्या निकै बढेको छ । 

भारतीय स्वास्थ्य मन्त्रालयका अनुसार भारतमा पछिल्लो २४ घन्टामा ५७ हजार १ सय १७ जना कोरोनाभाइरस संक्रमित थपिएका छन् । अनि यही समयमा त्यहाँ ७ सय ६४ जनाको निधन भएको छ ।

योसँगै भारतमा कोरोना संक्रमितको संख्या १६ लाख ९५ हजार ९ सय ८८ पुगेको छ । यीमध्ये ५ लाख ६५ हजार १ सय ३ जना सक्रिय कोरोना संक्रमित भारतमा रहेका छन् । 

भारतमा कोभिड १९ का कारण ३६ हजार ५ सय ११ जनाले अहिलेसम्म ज्यान गुमाएका छन् ।