दक्षिण कोरियामा कोरोना संक्रमित बढेका छन् । यहाँ पछिल्लो २४ घन्टामा ३४ जना कोरोना संक्रमित थपिएको जनाइएको छ ।

योसँगै दक्षिण कोरियामा मंगलबारसम्म कोरोनाका सङ्क्रमितहरुको संख्या १४ हजार नाघेको छ । थप ३४ जना भेटिएसँगै यहाँको संख्या १४ हजार ४ सय २३ पुगेको हो । यहाँ सोमबार मध्यरातिसम्ममा करिब २४ घन्टामा सङ्क्रमितहरु ३४ जना थपिएको दक्षिण कोरियाको स्वास्थ्य मन्त्रालयले जानकारी दिएको हो । 

यहाँ पछिल्लो साता हरेक दिन कम्तीमा पनि ५० जना सङ्क्रमित थपिएका बताइएको थियो ।  यसरी यहाँ थपिएका सङ्क्रमितहरुमध्ये अधिकांश विदेशबाट आएका व्यक्ति रहेको पनि सो समाचारमा जनाइएको छ । सोमबार थपिएका ३४ मध्ये २१ जना विदेशबाट आएका व्यक्ति परेको बताइएको छ । 

यहाँ यस सङ्क्रमणबाट ज्यान जानेको संख्या ३०१ जना पुगेको दक्षिणकोरियाको स्वास्थ्य मन्त्रालयले बताएको छ । यहाँका सङक्रमितहरु बढीजसो चर्चमा गएका व्यक्तिहरु भएको बताइएको छ ।