भारतको आन्ध्र प्रदेशको विजयवाडामा रहेको स्वर्ण प्यालेस नामको होटलमा आगलागी भएको छ । कोरोनाभाइरस संक्रमितलाई राख्न पछिल्लो समय त्यहाँको एक अस्पतालले यो होटललाई आइसोलेसन सेन्टरका रुपमा प्रयोग गरेको थियो ।

आन्ध्रप्रदेशका गृहराज्यमन्त्री मेकाथोटी सुचरिताले बिजुली सर्ट हुँदा आगो लागेको बताएका छन् । 

आगलागी हुँदा होटलमा ५० जना रहेको बताइएको छ । यो घटनामा अहिलेसम्म कम्तिमा ७ जनाको निधन भएको बताइएको छ । प्रदेश सरकारले घटनाको छानबिन गर्न एक समिति बनाएको छ ।