काठमाडौं– भारतीय विदेशमन्त्री एस जयशंकरले गौतम बुद्धलाई महान् भारतीय भनेर दिएको अभिव्यक्तिप्रति सत्तारुढ नेकपा वरिष्ठ नेता माधवकुमार नेपालले आपत्ति जनाएका छन् । 

पूर्वप्रधानमन्त्री नेपालले सामाजिक सञ्जाल फेसबुक मार्फत भारतीय विदेशमन्त्रीको भनाइप्रति आपत्ति जनाएका हुन् । 

ऐतिहासिक तथ्य, प्रमाण र पुरातात्विक अध्ययनबाट समेत बुद्ध नेपालमा जन्मिएकोमा कुनै शंका नरहेको उल्लेख गर्दै नेता नेपालले भारतीय नेताबाट व्यक्त हुने यस्ता असंवेदनशील र गलत कुराले दुई देशबीचको सम्बन्धमा प्रतिकूल असर पार्ने बताएका छन् ।  

उनले यसबारे औपचारिक रूपमै भारतसँग कुरा गर्न नेपालले सरकारलाई अनुरोध गरेका छन् ।