काठमाडौं– काठमाडौंको गोंगबु गणेशस्थानमा सुटकेसमा फेला परेको शवको सनाखत भएको छ ।

सुटकेशमा भेटिएको शवको सनाखत नभएपछि प्रहरीले सोमबार उनको तस्बिर सार्वजनिक भएको थियो । तस्बिर सार्वजनिक भएपछि मृतकको सनाखत भएको हो । 

सो शव दाङका कृष्णबहादुर बोहराको भएको महानगरीय प्रहरी कार्यालयले जनाएको छ । मृतक काठमाडौंको नयाँ बजारस्थित एक गार्मेन्टमा कार्यरत रहेको खुलेको छ ।

गोंगबुका स्थानीयले आइतबार बिहान ७ बजे सडकमा फालिएको सुटकेसबाट रगत बगेको देखेपछि प्रहरीलाई खबर गरेका थिए । अपराध महाशाखा र काठमाडौं प्रहरीले हत्याबारे अनुसन्धान गरिरहेको छ ।