पर्सा– नेपाल विद्यार्थी संघले कोरोना जोखिम तथा न्यूनीकरणसँग सम्बन्धित विभिन्न माग राखेर जिल्ला प्रशासन कार्यालयअगाडि प्रदर्शन गरेको छ । 

विद्यार्थीको प्रदर्शनमा प्रहरीले हस्तक्षेप गरेर लाठी प्रहार गरी केहीलाई नियन्त्रणमा लिएको छ । 

नेविसंघले उपचार अभावमा मृत्यु भएकाका परिवारलाई उचित क्षतिपूर्ति उपलब्ध गराउनुपर्ने, दोषी अस्पतालमाथि कडा कारबाही गरिनुपर्ने, गरिब तथा असहाय परिवारलाई राहत दिनुपर्ने, स्वास्थ्य सामग्री, चिकित्सक र समयमै उपचारको व्यवस्था गरिनुपर्नेलगायत पाँचबुँदे माग राखेका छन् ।

केही विद्यार्थी नेताहरुलाई पक्राउ गरेर एकछिनमा छाडिएको नेविसंघले जनाएको छ ।