डोटीको आदर्श गाउँपालिका वडा नम्बर १ बाँझककानीमा घर भत्किँदा एकै परिवारका चार जनाको मृत्यु भएको छ । त्यही घरका पाँच जना घाइते भएका छन् । 

गए राति झन्डै १ बजेतिर स्थानीय लोगे विकको घर भत्किएको हो । घटनामा उनकी श्रीमती विष्ना, छोरा पारस, छोरीहरु सिर्जना र जेनिसाको मृत्यु भएको हो । लोगे घाइते भएका छन् । उनको र उनकी आमा र अर्की एक छोरी र आफन्त घाइते भएका छन् । उनीहरुको स्थानीय स्वास्थ्य चौकीमा उपचार भइरहेको छ । 

राति सुतिरहेको समयमा घर भत्किएकाले ठूलो क्षति भएको बताइएको छ । प्रहरी घटनास्थलमा पुगेको छ ।