बलिउड अभिनेता सन्जय दत्तलाई तेस्रो स्टेजको फोक्सोको क्यान्सर भएको छ । उनका एक नजिकका साथीले यो खुलासा गरेका हुन् । सन्जय दत्त दुई दिनअघि मात्र लिलावती अस्पतालमा भर्ना भएका थिए । 

उनलाई श्वासप्रश्वासमा समस्या भएपछि अस्पताल लगिएको थियो । त्यहाँ उनको कोरोनाभाइरस परीक्षण गरिएको थियो । तर, कोरोना रिपोर्ट नेगेटिभ आएको थियो । 

तर, उनलाई क्यान्सर भएको पुष्टि भएपछि उनी उपचारका लागि अमेरिका गएका छन् ।

बलिउड हंगामाको समाचारअनुसार सन्जयका एक साथीले यो खुलासा गरेका हुन् । उनले भनेका छन्, ‘बाबा निकै आत्तिएका छन्, उनका साना बच्चाहरु छन् । अहिले उनी आमासँग दुबईमा छन् । यो भयानक खबर सुनेपछि उनलाई निकै मुश्किल भएको छ ।’

सामाजिक सन्जालमा चाहिँ दत्तले मंगलबार नै एउटा पोस्ट गरेका थिए । त्यो पोस्टमा उनले आफू बिरामी भएको र केही समय कामबाट ब्रेक लिने उल्लेख गरेका थिए ।