बुटवलमा कोरोनाभाइरसबाट एकै दिन दुई जनाको मृत्यु भएको छ । उपचारका लागि त्यहाँको अस्थायी कोरोना अस्पतालमा भर्ना भएका कपिलवस्तुका ४२ वर्षका एक युवा र २५ वर्षका अर्का युवाको निधन भएको हो । 

उनीहरुमध्ये एक जना २५ साउनमा अस्पतालमा भर्ना भएका थिए भने अर्का युवा २७ साउनमा अस्पतालमा भर्ना भएका थिए । यीमध्ये एकमा कोरोनाभाइरस संक्रमण भएको पुष्टि भइसकेको थियो । 

२५ वर्षका युवाको कोरोना परीक्षण रिपोर्ट आउन बाँकी छ । उनी मुम्बईबाट फर्किएका थिए ।