एजेन्सी– चीन र भारतबीच जारी तनावका विषयमा भारतीय सेनाका चिफ अफ डिफेन्स स्टाफ  ‘सिडिएन’ बिपिन रावतले चीनसँगको सीमामा भिडन्तको लागि भारतीय सेना तयार भएको बताएका छन् । 

उनले चीनसँगको वास्तविक नियन्त्रण रेखा ‘एलएसी’मा भारतीय सेना चीनका सेनासँग भिड्न र पूर्वी लद्दाख क्षेत्रमा तैनाथ हुन तयार भएको बताएका हुन् ।  हिन्दुस्तान टाइम्सका अनुसार रावतले भारतको संसदीय समितिमा सो भनाइ राखेका हुन् । 

एलएसीमा चिनियाँ आक्रमकता बढेको र उनीहरुले सीमामा निर्माणको काम गरिरहेको उल्लेख गर्दै उनले सहमति बाबजुद चीनका करिब ४० हजार सेना लद्दाख नजिकको क्षेत्रमा तैनाथ रहेको बताए ।

भारतसँगको सीमामा शान्ति चीनको पहिलो कूटनीतिक प्राथमिकता भएको भनेर चीनले बताइरहँदा भारतीय सेनाका चिफ अफ डिफेन्स स्टाफको यो भनाइ आएको हो ।