धनुषामा थप एक कोरोना संक्रमितको निधन
फरकधार / ३० साउन, २०७७

धनुषामा थप एक कोरोनाभाइरस संक्रमितको मृत्यु भएको छ । मृत्यु हुनेमा धनुषाको जनकनन्दनी गाउँपालिका ४ का ५० वर्षीय पुरुष रहेका छन् । 

श्वासप्रश्वासमा समस्या देखिएका यी पुरुषलाई प्रादेशिक अस्पतालमा उपचार गरिएको थियो । 

बिहीबार उनको स्वास्थ्यमा थप समस्या देखिएपछि उनलाई काठमाडौं रिफर गरिएको थियो । तर, बाटोमै उनको निधन भयो ।

उता, शुक्रबार नै सर्लाहीमा पनि एक महिलाको कोरोनाभाइरस संक्रमणबाट मृत्यु भएको छ । मृत्यु हुने महिला ६५ वर्षको भएको जनाइएको छ । 

योसँगै प्रदेश २ मा मात्र कोरोनाका कारण ४२ जनाले ज्यान गुमाएका छन् ।

  • प्रकाशित मिति : साउन ३०, २०७७ शुक्रबार १९:४:३६,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक , ट्विटरमा, युट्युब पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया