पछिल्लो २४ घण्टामा ४ सय ६८ कोरोना संक्रमित थपिएका छन् । देशभरका प्रयोगशालामा ११ हजार ४ सय ४७ नमुना परीक्षण गर्दा उनीहरुमा संक्रमण पुष्टि भएको हो ।

यससँगै कोरोना संक्रमितको संख्या २६ हजार १९ पुगेको छ । उनीहरुमध्ये १०२ जनाको मृत्यु भएको छ भने १७ हजार २०१ जना निको भएका छन् । पछिल्लो २४ घण्टामा १ सय २४ जना निको भएर डिस्चार्ज भएको स्वास्थ्य तथा जनसंख्या मन्त्रालयको नियमित प्रेस ब्रिफिङमा जानकारी दिइएको छ ।

स्वास्थ्य तथा जनसंख्या मन्त्रालयका प्रवक्ता जागेश्वर गौतमका अनुसार हाल नेपालमा ८ हजार १ सय ९३ सक्रिय संक्रमितको संख्या रहेको छ । स्वास्थ्य तथा जनसंख्या मन्त्रालयका अनुसार पीसीआर टेस्ट ५ लाख नाघेको छ । हालसम्म ५ लाख ५ हजार ६ सय ६० पुगेको छ ।