अख्तियार दुरुपयोग अनुसन्धान आयोगले वाणिज्य आपूर्ति तथा उपभोक्ता संरक्षण विभागमा कार्यरत एकजनालाई पक्राउ गरेको छ । 

अख्तियारले विभागको बबरमहल काठमाडौंमा कार्यरत नायब सुब्बा शिव शंकर महतोलाई पक्राउ गरेको हो ।

उनलाई दस हजार घुस रकमसहित पक्राउ गरिएको अख्तियारद्वारा जारी विज्ञप्तिमा उल्लेख छ । सेवाग्राहीसँग घुस लिने गरेको सूचना आएपछि छापा मारिएको अख्तियारले जनाएको छ ।

नायब सुब्बा महतोले फर्म दर्ता गर्दा घुस माग्ने गरेका अख्तियार प्रवक्ता तारानाथ अधिकारीले जनाएका छन् ।