काठमाडौं– राजस्व बोर्डको अध्यक्षमा सरकारले महेश दाहाललाई नियुक्त गरेको छ । दाहालले केही समयअघि मात्रै सचिवबाट अवकाश लिएका थिए । 

यसैगरी बोर्डको सदस्यमा पूर्वसहसचिव निर्मलहरि अधिकारीलाई नियुक्त भएका छन् । अधिकारीले अर्थ मन्त्रालयको सहसचिवबाट केही समयअघि अवकाश पाएका थिए । उनी अहिले राष्ट्रिय वाणिज्य बैंकको अध्यक्ष छन् ।

अर्थ मन्त्रालयको प्रस्तावमा मन्त्रिपरिषदले यो निर्णय गरेको हो । बोर्डमा दुई सदस्य हुनेमा एक जनाको पद रिक्त छ ।

राजस्व बोर्ड गठनका लागि आह्वान गरिएको प्रस्तावमा अध्यक्षका लागि दाहालले मात्रै आवेदन दिएका थिए भने सदस्यमा अधिकारीको मात्रै आवेदन परेको थियो ।